Nowèl
Dépi lè van désanm, moun za paré pou fè nwèl. Magazen, boutik, tou sa ki ni labitid vann ; za sav ki jou tala, tiwa lajan ké débòdé.
Moun pa menm ni gou alé travay, i lé pou yo fété nwèl-la.
Lontan jou tala, sétéjou pou tout moun té fanmi. Ou sav menm si ou pa té ni ayen bò kay, ou té pé trapé kéchòy. Sé tout’ moun ka sanblé ansanm pou tjwé kochon. Sé kochon-an menm an pak-la. Yo tris kon kondané a mò. Lè jou-a rivé, pou bouro-a koupé tèt yo, kochon-an pa menm ni dwa pran avoka pou défann kò yo. Sé mò pou yo mò.
Jou-a mwen ka palé-a sété an jédi, mwen pa janmen, ri konsa dan la vi mwen. Ou sé jiré di ki dé ou twa kochon té mété kò yo dakò pou té fè lafèt épi moun. Mwen menm té ni dé koté pou mwen té pasé piskè nou té mété kò nou dakò pou tjwé kochon ansanm.
Jean-Claude Duverger
Né en 1948, il est éducateur spécialisé, comédien et conteur. Il tient de nombreux rôles au cinéma et au théâtre et notamment Siméon d'Euzhan Palcy et Nord Plage de José Hayot.